Instagram: @akbotanurabaykyzy
Отандық әнші Ақбота-Нұр Сейтмағамбет «Кеш YOU» тобынан неге кеткенін айтты. Бұл тақырыпқа қатысты сұраққа ару «The DS’ Show» бағдарламасында алғаш рет жауап берді.
«Мұндай ақпаратты көп жерде айта бермеймін. «Кеш YOU» тобымен 7 жылдық келісімшарт болған. Бірақ, пешенеме жазылған тағдырыма байланысты 2 жыл ғана жұмыс істедім. Уақыт өте келе өзімнің сүйіктімді киноға түсіп жүргенімде жолықтырдым. Қазір 8 жасар ұлым, 6 жасар қызым бар»,
деді әнші.
Келісімшартті бұзғаны үшін айыппұлды әншінің экс-жолдасы, актер Дәурен Айдарқұлов төлегенін айтты.
«Тұрмысқа шығамын деп топтан кеттім. Жалпы тұрмыс құруым, бір жағынан балалық болды ма, шалалық болды ма, адам болған соң бастан түрлі жағдай өтеді екен. Экс-күйеуім келісімшартта көрсетілген айыппұлды төлеуіне тура келді»
деп есіне алды әнші.
Фото: Instagram
Дереккөз: «The DS’ Show» YouTube арнасы
The post «Айыппұлды экс-күйеуіме төлеуге тура келді»: Ақбота-Нұр «Кеш YOU» тобынан не үшін кеткенін айтты appeared first on ELLE Kazakhstan – мода, красота, тренды, звезды, отношения.
