Instagram: @zhuldyzabdukarimovaofficial
Отандық танымал әнші Қайрат Нұртастың жұбайы, актриса Жұлдыз Әбдікәрімова әлеуметтік желідегі хейтерлерге өз кеңесін айтты. Ол жағымсыз пікір жазатындарды ақылға шақырып, тыныштық беруді сұрады.
Жұлдыз Instagram парақшасының stories бөлімінде хейтерлерден келіп жатқан кейбір жазбаларды жариялады.
«Саған ешкім көңіл бөлмей жатыр ма? Ішің пысып кеткен ғой!», «Маған ұнамады. Дене пішіні, түрі барлығында мін жоқ. Бірақ, реңі өте суық, жылуы жоқ, түрі шаршаған», «Бұл жасанды іш қой, көрініп тұр», «Осылай суретке түсу дұрыс па енді? Қазір ішті жасау қиын емес, бірақ түріңді өзгерту мүмкін емес. Жүкті ме жоқ па жүзінен-ақ білуге болады», «Бала-шағасы бар әйелге «бұл жетінші жүктілік» деп жазудың не қажеті бар?» — деп жазған хейтерлер.
Осы пікірлерге жауап ретінде Жұлдыз өз парақшасында бөтеннің қуанышын көре алмайтындарға орын жоқ екенін жеткізді.
«Қуана алмасаңыз, қабылдай алмасаңыз, ары қарай менің парақшамдағы айтылатын жақсы жаңалықтарды көріп өкпеңіз атылып, жүйкеңіз құрып кетеді. Әзірге жағдайыңыз жақсы кезде шығып кеткеніңіз дұрыс-ау»,
деп кеңес берді Жұлдыз.
Instagram/stories: @zhuldyzabdukarimovaofficial
Фото: Instagram
The post «Бұл — жасанды іш»: аяғы ауыр Жұлдыз Әбдікәрімова хейтерлердің жазбаларын көрсетті appeared first on ELLE Kazakhstan – мода, красота, тренды, звезды, отношения.
