Instagram: @eraholic
Абай облысында мектеп мұғалімі Ерқанат Садуханов әлемге танымал шетелдік әншілерге әуен жазады.
Ерқанат Қарауыл ауылындағы мектеп-гимназия-интернатында биология пәнінен сабақ береді. «Ерахолик» атымен танымал битмейкер жақында танымал әнші Ники Минаждың Pink Friday 2 делюкс-альбомына саунд-продюсер атанды.
Посмотреть эту публикацию в Instagram
Әлемдік жұлдыздарға ән жазатын мұғалім жергілікті жастарды шығармашылыққа баулып жүр. Ерқанат әлемге танымал әртіс Ники Минаждың саунд-продюсері. Жаңа альбомы биыл жарыққа шығады.
Ол осы күнге дейін Dua Lipa және Blackpink тобының мүшесі Lisa сияқты әлемдік жұлдыздармен жұмыс істеген.
Битмейкер ауылда жүріп-ақ халықаралық деңгейге шығуға болатынын айтады.
«Біреудің әдемі өміріне қызығады. Негізінде олай емес қой. Соны көрген жастар басқа жаққа көшкісі келеді. Менің мамандығым сондай ғой. Бір жерде болып қажет емес. Жақсы, интернетпен отырып-ақ, мысалы, Зимбавемен де байланыста отыруға болады»,
— дейді Ерқанат Садуханов.
Ерқанат 2016 жылдары алғаш рет әуен жазуды бастаған. Алғашқы туындыларын 2-3 мың теңгеге сатқан. Бүгінде битмейкердің қаламақысы бірнеше есеге өсті.
«Латын Америкасында Бэд Банни деген әнші бар. Соның командасы жазған болатын. Қазақстандық әншілер Қазыбек Құрайыш, Аkha, «Ирина Қайратовнамен» жұмыс істейміз деп отырмыз. Оның барлығы енді уақыттың еншісінде»,
дейді битмейкер.
Ерқанат Садуханов шығармашылықпен бірге ұстаздықты да қатар алып жүр.
«Ол кісі заманауи мұғалім. Яғни, бізге көптеген бағдарлама арқылы жұмыс жасатады. Тақырыпты қызықты етіп түсіндіруге тырысады. Бізден не қалайтынымызды сұрайды. Біз плакат арқылы жұмыс істегіміз келеді. Солай тақырыпты түсінетінімізді айтамыз. Біз ол кісімен мақтанамыз. Және де біздің мектепте мұғалімнің аты шығып отырғанына біз оқушылар да қуаныштымыз»,
дейді оқушы Жанель Күнсләмова.
Ерқанат шығармашылығын одан әрі дамытуды мақсат етіп отыр. Болашақта бірнеше отандық және әлемдік жұлдыздарға ән жазбақ. Келісімшартқа сәйкес кіммен жұмыс істейтінін айтпады.
Фото: Instagram
Дереккөз: 24.kz
The post Dua Lipa, Lisa, Ники Минаж: Ауыл мұғалімі әлемдік жұлдыздарға әуен жазады appeared first on ELLE Kazakhstan – мода, красота, тренды, звезды, отношения.
