Екінші рет ана атанған Мақпал Исабекова ауруханаға түсті

Жақында ғана екінші рет ана атанып, перзентханадан шыққан Мақпал Исабекова ауруханаға түсіп қалды. Әншінің қан қысымы көтеріліп кеткен.

Қызды болған Мақпал Исабекова Instagram желісінде оқырмандарымен байланысқа шығып, қазіргі жағдайы жайлы айтты. Шоу-бизнес өкілі перзентханадан шыға салысымен ауруханаға түскен.

«Үйге оралғанымыз осы еді мен қайта ауруханаға түстім. Қан қысымым жоғарылап кеткен. Жағдай қайталанып жатыр», — деп жазды әнші. Сонымен қатар Мақпал жолдасына қатысты қауесеттерге жауап берді. Оның айтуынша, күйеуі бес күн бойы перзентханада қасында болған. «Бұрынғы күйеуім бес күн бойы перзентханада қасымда болды. Қызымызды бірінші болып сол кісінің кеудесіне басты», — деп жазды Исабекова.