Instagram: @erke_esmahan
Үшінші сәбиіне аяғы ауыр Ерке Есмахан күйеуімен жас айырмашылығын сезбейтінін мойындады.
Айта кетейік, RaiM Еркеден 12 жасқа кіші. Әртістің оқырманы әншіден сүйіктің әлдеқайда үлкен болса, оны қалай қабылдауға болатынын сұрады.
«Неге қиналып қабылдайсыз оны? Қалай қабылдаса болады дегеніңіздің өзі махаббат жоқ сізде деген сөз ғой. Қоя салыңыз өзіңізді және ол адамды алдамай.
Махаббат ол бөлек әлем. Жасқа, ұлтқа, салмаққа қарамайтын ғажап сезім. Оны сезгенде «Қалай қабылдаймын?» деген сұрақ туындамайды, жүрек дүрс-дүрс осымен болды, кетесің ұшып»,
деп жауап берді Ерке.
Сондай-ақ, жанкүйерлер RaiM сияқты жігітті қалай «сындырып алуға» болатынын сұрады.
«Бұл сұраққа жауап бере алмаймын. Біреуді сындырумен айналыспаппын. «сындырып алу» деген сөздің өзі біртүрлі ғой.
Біздің жұбымызда Райм маған ғашық болды. Сезімін білдірді. Ер мінезімен баурады. Менде де ұшқын болды, бірақ мен қызға тән еркелетім, наздандым, қырсықтым. Сөйтіп ақыры екеуміз де ұлы сезімге мойынсұндық. Соңында шаңырақ көтердік. Шүкір! Сондықтан, «біреуді сындыру» деген сөзді сөздік қорыңыздан алып тастаңыз. Өзіңізге көңіл бөліңіз, сонда сүйген адам өзі келеді. Алла бұйыртады»,
деп жазды ол.
Фото: Instagram
The post Ерке Есмахан үлкен жас айырмашылығы бар жұптарға кеңес берді appeared first on ELLE Kazakhstan – мода, красота, тренды, звезды, отношения.
