Instagram: @erke_esmahan
Қазақстандық әртістер Ерке Есмахан мен RaiM концерт беруге барғалы отырған АҚШ-қа сапардан бас тартты. Әнші Instagram-да неге бұлай болғанын түсіндірді.
Ерке мен RaiM балаларымен бір айға жуық демалған Еуропадан ұшып келгеннен кейін, сөмкелерін қайта жинай бастады – АҚШ-қа жоспарланған сапарға дайындалды. Американың 4 қаласында – Чикаго, Лос-Анджелес, Хьюстон және Нью-Йоркте концерттер күзде өтуі керек еді, бірақ сол кезде жұлдызды ерлі-зайыптылар виза ала алмады.
Бұл жолы виза мәселесі шешілді, бірақ қуаныш ұзаққа созылмады.
«Америкада болуға берген уақыты маған екі-ақ күн. Күйеуімдікі де 12-сіне дейін. Біздің концерттердің уақытымен сәйкес келмейді»,
деп қынжылды Ерке.
Айта кетейік, әртістердің ән кештері 13-18 ақпан аралығына жоспарланған болатын.
«Бұйырмаған Америка болды. Исламға аяғым ауыр кезінде де визамен кедергілер болып еді. Райм өзі барып келген еді. Осымен үшінші рет жол түспеді. Америкаға ұшу – 20 сағат. Сабырға келіп, ақылға салып отырмын. Концертке билет алған көрерменнен кешірім сұраймыз. Біздің кінәміз жоқ екені факт»,
деп мойындады Ерке.
Әнші өмірдің өзі баланс екенін атап өтті. Үйде балалармен бірге болу – нағыз бақыт, деді ол.
«Трамп ағайды көрсеңіздер, біздің жанұямыздан сәлем айтыңыздар»,
деп түйіндеді ол әзілмен.
Фото: Instagram
The post Ерке Есмахан мен RaiM-ның АҚШ-тағы концерті өтпейтін болды appeared first on ELLE Kazakhstan – мода, красота, тренды, звезды, отношения.
