Instagram: @say_mo__
Танымал рэпер, әнші Say Mo экс күйеуі Шәріп Серіктен көрген қорлығын айтып берді.
Айта кетейік, өткен аптада Әлия Бутеева есімді бойжеткен сүйіктісі Шәріп Серіктің ұрған бейнежазбасын желіге жүктеген болатын. Осы жағдайдан кейін Say Mo да актердан қорлық көргенін айтты. Мөлдір ол қарым-қатынас жайлы Instagram парақшасында сөз қозғап, көзіне жас алды.
«Қазір менде дәлел жоқ. Бұрын анама жіберген, денемнің көгерген суреттері болған. Өшіріп тастадым. Әр жанжалдан кейін ол актерлік шеберлігін қосып кешірім сұрайтын. Абьюзивті қарым-қатынаста болмаған адам жәбірленушінің әрекетін ешқашан түсінбейді. «Неге шыдадың?» деп сұрайсыздар ма? Білмеймін. Мен әкесіз өстім. Ер адамның әйелге қалай қарауы керегін білмеймін. Өйткені бала күнімде ондай үлгіні көрмедім. Анам көп жұмыс істеді, мен еркекше өстім. Бір күні кең көлемде сұхбат беріп, бәрін айтып беремін»,
деді ол.
Еске салайық, бұған дейін, актердің өзі бұрынғы сүйіктісі Әлия Бутееваға қол көтергенін мойындап, кешірім сұраған болатын.
«Мен зорлық-зомбылыққа қарсымын. Мен оған лифтте дөрекі іс-әрекет жасадым. Өзімді ақтамаймын. Істеген әрекетім үшін заң алдында жауап беруге дайынмын. Әлияның өзінен және ата-анасынан кешірім сұраймын. Мен оның бетінен ұрып жібердім. Менің қатемді қайталамаңыздар! Әйелге қол көтермеңіздер!»,
деген ол.
Алайда, Шәріп жүктеген бейнежазбасын өшіріп тастады. Ал, сот актерді кінәлі деп тауып, 5 тәулікке қамауға алу туралы шешім шығарды.
Фото: Instagram
The post «Денемнің көгерген сурттерін өшіріп тастадым»: Say Mo экс-күйеуі Шәріп Серікпен қарым-қатынасын еске алды appeared first on ELLE Kazakhstan – мода, красота, тренды, звезды, отношения.
