Instagram: @jlo
Әлемдік жұлдыз Дженнифер Лопестің Астанадағы концертіне билеттер бүгін сатылымға шығады.
Америкалық әртістің концертіне билетті арнайы платформадан онлайн сатып алуға болады.
«Астана концерт» компаниясының продюсері Мәлік Хасеновтің мәлімдеуінше, мегажұлдыздың ән кешіне арналған билеттер 11 сәуір күні сағат 11:00-де ресми түрде сатылымға шығады.
Қазақстанда алғаш рет өтетін ауқымды концертке билеттер тек «Freedom Ticketon» билет операторы арқылы ғана сатылады.
Осы орайда ол «бір адамға – төрт билет» ережесін де түсіндірді. Оның айтуынша, бір акаунт немесе бір банк картасымен төрт билет қана сатып алуға мүмкіндік болады.
Билет бағасы – 40-150 мың теңге. Ал, сахнаның алдындағы орындар 180 мың теңгеге сатылады.
Концерт ұйымдастырушысы Мәлік Хасеновтің сөзінше, америкалық жұлдызбен келіссөз алты айға созылған екен.
«Біз алты ай бойы келіссөз жүргіздік. Лопестің Instagram желісінде 258 миллион жазылушысы бар. Біздің елдегі халықтан 20 есе көп. Әртіс үшін Қазақстанға келу өте керемет. Мен осы жұлдыздың әндерін тыңдап өстім. Бүкіл стадион би билейді. Біз оның Абу-Дабидегі концертіне бардық және бұл ұмытылмас кештей өтті. Көрермендер риза, атмосфера керемет болды»,
деді Хасенов.
Айта кетейік, Дженнифер Лопестің концерті «Астана-Арена» стадионында 1 тамызда өтеді. Бұл шара қала экономикасына 6,5 млрд теңге табыс әкеледі деген болжам бар. Ал, бюджетке 400 млн теңге салық түседі. 15 мың турист келуі керек.
Фото: Instagram
The post Дженнифер Лопестің Астанадағы концертіне билеттер сатылымға қашан шығатыны белгілі болды appeared first on ELLE Kazakhstan – мода, красота, тренды, звезды, отношения.
